Востановено е дека секој човек една третина од животот поминува во спиење. Многу од нас знаат колку е важен сонот за нашето здравје, но ретко кој успева редовно да отспие тура од осум часа, која е оптимална за опоравување на организмот.
Кафињата, енергетските пијалаци, будилниците, светлата од електронските уреди се мешаат со нашиот природен циклус на спиење. Како кој спие првенствено зависи од староста, здравјето и начинот на живот. Се верува дека луѓето на кои им требаат повеќе од десет часа сон во текот на ноќта имаат склоност кон невротични пореметувања и депресија. Оние на кои им се потребни помалку од осум часа сон обично се амбициозни, студиозни, енергични, ефикасни, склони на наука и креативност, како што бил Никола Тесла, за кого се верува дека спиел само два часа дневно! Шекспир, пак, веројатно, бил склон на депресија затоа што во кревет поминувал по 12 часа. Одделни јавни личности кои се борат со несоницата, откриваат дека проблемот го ублажуваат со јога, медитација и редовно вежбање.
