За почеток тука се растителните чаеви како оној од мајчина душичка или оригано, првиот делува антисептично и ја намалува кашлицата, а вториот го ублажува „гребењето“ во грлото, а делува и антибактериски.
Медот е, исто така, едноставно природно средство кое помага во борбата против кашлицата. Содржи протеини кои делуваат антибактериски и го поддржуваат имуниот систем. Утврдено е дека медот содржи декстрометорфан, антитусик кој влегува во составот на бројни лекови против кашлица. Една до две лажички мед навечер, пред спиење, ќе го обложат грлото и ќе ја смират кашлицата.
Етеричното масло од еукалиптус може да помогне кај продуктивна кашлица – со вдишување на испарувањето од отворено шишенце, 4 до 6 пати во текот на денот, ќе помогне во разградувањето и искашлувањето на слузта од дишните патишта. Сепак, употребата на еукалиптус не се препорачува кај личности со астма или епилепсија, како ни за трудници.
Сепак, доколку кашлицата е проследена со висока температура, главоболка и замор, можно е да се работи за грип, па ако симптомите не се намалуваат и по три дена одењето на лекар е неопходно. Од друга страна, кашлицата проследена со потешкотии при дишењето и болки во градите и пределот на белите дробови бара итна лекарска консултација.
