Болката, гребењето и потешкотиите при голтањето се само некои од симптомите кои ги чувствуваме кога имаме воспалено грло. Освен препишаните лекарства во голема мера болката и симптомите може да ги ублажат и одредени домашни напитоци. Еден од нив е и овој од мед и лимон – најпознатата лековита комбинација.
Потребни состојки:
1 чаша вода (250 мл);
сок од 1 лимон;
1-2 лажички мед;
изрендан ѓумбир.
Начин на приготвување: Загрејте ја водата. Исцедете сок од еден лимон и додадете го во чаша заедно со ренданиот ѓумбир. Во нив додадете го и медот и се убаво измешајте. Добиената смеса прелијте ја со топла вода и повторно убаво измешајте. По желба процедете го напитокот и испијте го додека е топол. Покрај сите лековити својства, овој напиток има и прекрасна арома и вкус.
