Herpes labialis е латинскиот назив за „треската“ т.е. појавата на усните која се јавува заради инфекција со вирусот херпес симплекс тип 1. Вирусот се шири со допир или преку заеднички прибор и садови за јадење, прибор за бричење, пешкири и сл. Во прашање е прилично болна и естетски проблематична појава која сите кои ја имаат сакаат што поскоро да ја отстранат.
Клиничка слика: На отечената, црвена и болна кожа од надворешната страна на усната или покрај неа се појавуваат мали пликови исполнети со течност. Пликовите со време почнуваат да пукаат и од нив тече секрет. После тоа се создава краста со жолта боја која отпаѓа, а раничката заздравува после 7-10 дена. Симптомите може да се јават и до 20 дена откако организмот бил изложен на вирусот, а еден до два дена до појавата на пликовите на тоа место може да се почувствува чешање, болка, боцкање или пецкање.
После првата инфекција вирусот останува во организмот, односно во нервните клетки и може повторно да се активира периодично, како резултат на стрес, покачена телесна температура, менструација или сончање. Носителот може да го пренесе вирусот и кога нема присутни пликови, иако е најзаразен од моментот на појава на пликови до појава на краста. Најчесто се јавува на исто или приближно исто место. Треба посебно да бидете внимателни ако го имате – никогаш да бакнувате бебиња, особено не новороденчиња затоа што тоа за нив може да е погубно.
Како да си помогнете?
Во брзо лекување и отстранување на херпесот, се разбира, покрај стандардната терапија, може да помогне и една намирница која е чест гостин во кујнските шкафчиња, се работи за пченкарниот скроб. Токму тој е еден од најдобрите домашни лекови со чија помош полесно се санира овој болен проблем. Имено, пченкарниот скроб ја неутрализира pH вредноста на „треската“, која инаку се „храни“ со киселина, и така ги ублажува болката и воспалението. Најдобро е да се употреби во облик на паста која лесно може да ја направите сами.
Потребни состојки:
- 1 лажица пченкарен скроб,
- малку вода.
Начин на приготвување и користење:
Измешајте го скробот со малку вода за да добиете погуста паста. Неколку пати на ден ставајте од пастата на херпесот со помош на стапче за уши.
