Кога сакате да бидете сигурни дека сте бремени, сакате да го избере најдобриот тест за бременост, односно најточниот. Tестот за бременост се употребува така што се става во чашка со урина или се уринира врз стапчето. Ја препознава бременоста поради HCG хормонот. Бета HCG е протеин, кој го лачи ткивото на плацентата, а многумина го нарекуваат и хормон на бременоста.
Може ли тестот да погреши?
Кога се рекламира нивната 99-отстотна сигурност, пред се, се мисли дека со толкава сигурност ќе ви открие дека не сте бремени. Веројатноста дека ќе добиете негативен резултат е поголема во раните фази на бременост, односно кога менструацијата се уште не е изостаната.
Нивото на хормонот за бременост се зголемува со секој ден од бременоста
Лажните позитивни тестови се многу ретки. Можно е тоа да се случи за време на овулацијата, затоа што тогаш нивото на хормоните е високо, велат експертите. Други причини се одредени видови на рак или бенигни тумори, кои лачат HCG. Ако ви се појави позитивен резултат, а не сте биле сексуално активни, посетете го вашиот доктор.
Кога е најдобро време да се направи тест за бременост?
Две недели по овулацијата. Но сето тоа зависи од должината на циклусот, кој е различен за секоја жена. Да земеме предвид дека првиот ден на менструацијата варира неколку дена од месец во месец, од тој ден одземете 15 дена и тоа би требало да биде денот на овулацијата.
Кој е најдобриот тест за бременост?
Најдобро е да се тестира од крвта. Ако дома ви се покаже позитивен тест, одете на лекар да извадите крв и да го потврдите резултатот. Сите домашни тестови се дефинитивно добар начин за тестирање, но после секој добиен резутат би требало да посетите лекар, кој е сепак, постручен.
