Ако сте решиле да им кажете збогум на цигарите, веќе сте на добар пат да го подобрите здравјето. Оваа одлука ќе ви помогне драстично да го намалите ризикот од бројни болести како што се хроничната опструктивна болест на белите дробови и ракот на бели дробови. Белите дробови почнуваат да се опоравуваат штом личноста ќе престане со пушење, но нивното опоравување всушност трае со години. Еден од поважните фактори кој влијае на здравјето на белите дробови е и возраста. После 35 година од животот функциите на белите дробови полека опаѓаат – дијафрагмата слабее, слабеат и респираторните мускули, алвеолите го губат својот облик и сл.
Авторите на студијата утврдиле дека кај личностите кои јадат барем два домати дневно функциите на дробовите побавно опаѓаат отколку кај личностите кои во просек јадат помалку од еден домат дневно.
Некои поранешни истражувања покажале дека исхраната богата со овошје и зеленчук може да го намали ризикот од хронична опструктивна болест на белите дробови кај сегашните и некогашните пушачи. Имено, секоја дополнителна порција овошје и зеленчук во текот на денот го намалува ризикот од овие болести за 4 до 8 проценти.
Една понова студија, пак, укажува на позитивните ефекти од исхраната која е богата со домати врз здравјето на белите дробови како кај непушачите така и кај пушачите. Авторите на студијата утврдиле дека кај личностите кои јадат барем два домати дневно функциите на дробовите побавно опаѓаат отколку кај личностите кои во просек јадат помалку од еден домат дневно. Тие, исто така, сметаат дека одделни состојки во свежиот домат ја поттикнуваат репарацијата на оштетувањата на белите дробови создадени со пушењето.
