Во САД пред неколку дена е одобрена втората бустер доза вакцина против КОВИД-19 за лица постари од 50 години.
Но, кој всушност и кога треба да ја прими оваа доза?
Според американската ФДА, втор бустер треба да примат лицата кои имаат над 50 години, најрано четири месеци откако ја примиле првата бустер вакцина. Исто така, втора бустер доза се препорачува за имуникомпромитираните лица постари од 12 години.
Истражувањата покажале дека нивото на антитела паѓа како поминуваат месеците, особено кај повозрасните лица со послаб имун систем. Затоа е важно кога да се отиде и да се прими втора бустер доза вакцина, но исто така, предупредуваат лекарите, е особено важно да не отидете да се вакцинирате прерано, бидејќи тоа ја намалува ефикасноста.
Што се однесува до останатите луѓе кои моментално не припаѓаат во двете групи на лица кои треба да примат втора бустер вакцина, можно е наесен и тие да бидат вклучени во листата, доколку бројот на нови случаи на заразени со КОВИД-19 се зголемува.
