Дополнителното спиење преку викенд, не може да го надомести изгубениот сон преку неделата

Дополнителното продолжено спиење за време на викендот не може во целост да го надомести изгубениот сон преку неделата, и да ублажи штетите по здравјето, укажува нова студија. Од претходно е познато дека недостатокот на сон може да го зголеми ризикот на дебелина и дијабетес.

Според последните спроведени истражувања, спиењето за време на викендите може единствено да му помогне на телото, малку да се опорави во периодот од тие два дена, но ефектот, нагласуваат стручњаците не е траен.

Се смета дека резултатите од оваа студија укажуваат на тоа колку е важна доволната количина на сон преку неделата за севкупното здравје.

Истовремено, истражувачите предупредуваат дека честото менување на распоредот и траењето на спиењето е форма на стрес која е поврзана со пореметувања на метаболизмот. Поради тоа, тие препорачуваат секој поединец да се обиде да обезбеди најмалку седум часа сон секоја вечер, кога тоа и да е можно.