ДОСИЕ ОМИКРОН: Со какви симптоми се појавува, колку е опасен и колку штитат вакцините од најновиот сој на коронавирусот?

“Меѓутоа, истражувањето на оваа варијанта е се уште во многу рана фаза. Во нашата земја ревакцинирани се само 24 проценти од населението. Пациентите главно се жалат на болки во телото и замор, екстремен замор и тоа го гледаме кај помладите генерации, а не кај постарите лица. Пријавуваат и симптом кој не е како болка, туку гребење во грлото, без кашлица или губење на сетилото за мирис и вкус. Практично тоа беше клиничка слика кај пациентите која воопшто не наликуваше на онаа препознатлива за делта варијантата. Тоа не беа пациенти кои се примени директно во болница. Станува збор за симптоми категоризирани како благи“, вели д-р Коци.

Научниците го вклучија алармот поради новата варијанта на коронавирусот Б.1.1.529, прв пат идентификуван во Боцвана, која во себе носи “исклучително голем број“ мутации кои би можеле да поттикнат нови бранови на инфекцијата. Поради тоа се поставува прашањето колку ситуацијата со новиот сој, наречен омиркон, е опасна.

Светската здравствена организација (СЗО) во петокот ги собра меѓународните стручњаци за да дискутираат за новата варијанта на вирусот, која стигна до Азија и Блискиот исток и во последниве две недели брзо се прошири на подрачјето на јужноафриканските земји. СЗО омикрон варијантата ја класифицира како “загрижувачка варијанта“.

Научниците работат на тоа да откријат какво влијание ќе има овој сој на кривата на пандемијата, но некои работи веќе се познати.

До сега откриените случаи во Јужна Африика, како што објаснува д-р Анџелик Коци, претседател на Здружението на лекари на Јужна Африка, не се сериозни.

“Меѓутоа, истражувањето на оваа варијанта е се уште во многу рана фаза. Во нашата земја ревакцинирани се само 24 проценти од населението. Пациентите главно се жалат на болки во телото и замор, екстремен замор и тоа го гледаме кај помладите генерации, а не кај постарите лица. Пријавуваат и симптом кој не е како болка, туку гребење во грлото, без кашлица или губење на сетилото за мирис и вкус. Практично тоа беше клиничка слика кај пациентите која воопшто не наликуваше на онаа препознатлива за делта варијантата. Тоа не беа пациенти кои се примени директно во болница. Станува збор за симптоми категоризирани како благи“, вели д-р Коци.

Но, сепак таа изразува загриженост поради влијанието што оваа варијанта би можело да го има на повозрасните лица со основни болести како што се срцеви болести или дијабетес.

Европскиот центар за контрола на болести изрази сериозна загриженост дека новата варијанта би можела значајно да ја намали ефикасноста на достапните вакцини и да го зголеми ризикот од повторни инфекции.

ШТО ДОСЕГА СЕ ЗНАЕ ЗА ВАРИЈАНТАТА Б.1.1.529 – ОМИКРОН?

Новата варијанта се смета за потенцијално поопасна бидејќи има речиси двојно повеќе мутации од делта варијантата. Со оглед дека е прогласена за варијанта што предизвикува загриженост (VOC, Variant of Concern), ставена е во иста категорија како и делта варијантата. Освен во Јужноафриканската Република, омикрон е откриена во Боцвана, Израел и Хонг Конг, како и во Велика Британија, Белгија, Германија и во Чешка.

Варијантата Б 1.1.529 има над 30 мутации само на шилестиот (spike) протеин. Ако на овие мутации се гледа како на нова можност за зголемена инфективност и преносливост, што му дава на вирусот поголема способност да го заобиколи имунитетот, како оној од вакцинација, така и од стекнатиот со прележување на КОВИД-19, тогаш се работи за многу сложена варијанта со мутации кои претходно не се евидентирани, па затоа е тешко дефинитивно да се предвидат импликациите на текот на пандемијата и имунитетот.

Сепак, стручњаците сметаат дека вакцините и натаму ќе нудат високо ниво на заштита од тешка клиничка слика на КОВИД-19 што доведува до хоспитализација и смрт.

Новата варијанта најчесто е пронајдена кај помлади лица (од 18 до 34 години), а токму во овие возрасни групи е забележана и најниска стапка на вакцинација во Јужноафриканската Република. Британските експерти ја нагласуваат потребата од вакцинација врз основа на извештаите добиени од Јужна Африка, според кои се евидентираат поголем број хоспитализации токму во групи невакцинирани или делумно вакцинирани лица.

Производителите на вакцини изнесоа став дека брзо ќе можат да ги прилагодат нивните вакцини според омикрон варијантата.

Со оглед на тоа што би можело да биде многу тешко да се запре ширењето на некоја варијантата откако ќе биде откриена, Европската комисија предлага процедура за координиран пристап во ограничување на ширењето на нови варијанти во ЕУ.

Некои земји, меѓу кои Велика Британија ги забрани летовите од Јужноафриканската Република, Намибија, Боцвана, Зимбабве, а Израел ја ажурираше својата “црвена листа“ за да се спречи дополнителни случаи да стигнат кај нив. И Германија и Холандија воведоа забрани за летови или строги ограничувања за лица кои доаѓаат од Јужноафриканската Република.

Заклучокот е, согласни се експертите, дека ова е вистински потсетник дека пандемијата е далеку од крајот.

“Ако постои барем една работа што секој сега може да ја направи е следново: Изберете ја вашата вакцина, без разлика дали е тоа ваша прва доза, втора доза, единствена или бустер доза, и вакцинирајте се“, порачуваат стручњаците.