![doc-d-r-Andrej-Nikolovski](https://panacea.mk/wp-content/uploads/2024/07/doc-d-r-Andrej-Nikolovski-696x464.jpg)
ПИШУВА:
Доц. д-р Андреј Николовски,
специјалист по абдоминална хирургија
♦♦♦♦♦♦♦
Ракот (аденокарцином) на дебелото црево е трета по честота малигна болест во светот и најчеста малигна болест на дигестивниот систем. Според GLOBOCAN, во 2020 година, дијагностицирани се 1,9 милиони нови случаи на рак на дебелото црево (вклучително и рак на ректум). Најчест е во Австралија, Нов Зеланд и Европа. А се проценува дека во истата година, околу 930 000 пациенти починале како директна последица на оваа болест.
Лапароскопскaта операција на карциномот на дебело црево се изведува со мали отвори на стомачниот ѕид и правење на мал рез (околу 5 см) низ кој се вади дел од заболеното црево надвор од стомачната шуплина. Ова е минимално инвазивна опција, а пациентот има помала постоперативна болка, побрзо станување од кревет, побрзо проработување на цревата, побрзо напуштање на болницата, подобар естетски ефект и помал ризик за појава на постоперативна хернија (кила) на место на претходна операција
Болеста во почетниот стадиум не дава симптоми, за жал тие се појавуваат во нејзината напредната фаза. Пациентите најчесто се жалат на промени во начинот на празнење на цревата. Може да имаат запек, течни столици, појава на крв во столицата, општа слабост и болки во стомакот во вид на сечење. Лекувањето на карциномот на дебело црево е во основа хируршко – со операција. Тоа подразбира отстранување на дел од дебелото црево зафатен од туморот при што се врши и реконструкција односно спојување крај со крај на цревото. Со ова кај најголем број од пациентите се избегнува формирање на стома (ќеса) за празнење на предниот стомачен ѕид.
Операцијата може да се изведе на два начина:
- Отворено – со рез на предниот стомачен ѕид и
- Лапароскопски – со мали отвори на стомачниот ѕид и правење на мал рез (околу 5 см) низ кој се вади дел од заболеното црево надвор од стомачната шуплина. Ова е минимално инвазивна опција.
Во нашата клиника благодарение на новиот лапароскоп со 4К технологија, хирургот добива одлична интраоперативна визуелизација на оперативното поле, додека за пациентите ваквата интервенција има бројни предности во споредба со отворената.
Ова особено се однесува на помала постоперативна болка, побрзо станување од кревет, побрзо проработување на цревата, побрзо напуштање на болницата, подобар естетски ефект и помал ризик за појава на постоперативна хернија (кила) на место на претходна операција.
За да закажете преглед/консултација јавете се во контакт центарот на клиничката болница „Жан Митрев“ ☎️ 02/3091-484