Медицинската школа “Перелман“ при Универзитетот во Пенсилванија, неодамна спровела истражување кое ја докажало штетноста од “ноќните оброци“ за човечкиот организам.
Во спореда со оброците кои ги консумираме во текот на денот, намирниците што се внесуваат навечер се тригери за многу болести, особено за кардиоваскуларните заболувања, изјавил еден од авторите на студијата, д-р Намни Гол.
Освен што храната која ќе ја внесеме во доцните вечерни часови гарантирано ќе допринесе во зголемување на телесната тежина, исто така ќе го зголеми и нивото на инсулин и на холестерол во крвта.
На тој начин, оваа навика негативно влијае како на метаболизмот, така и на хормоналните маркери, стои како заклучок во истражувањето.
