Поетски опишано би можело да се каже дека дождот свири лесна приспивна песна која ги смирува умот и телото. Иако на останатите луѓе дождливото време може да им делува депресивно, личностите кои патат од депресија и анксиозност сведочат дека токму ваквото време им одговара затоа што тогаш не доаѓаат до точка кога доживуваат „напад“ на депресија и анксиозност.
Истото важи и за личностите кои се импулсивни и нервозни. Таквите личности често спомуваат дека сакаат дожд, а причината е во тоа што дождот ги смирува и опушта. Ако размислите малку подобро, тоа и навистина е логично. Сончевото и убаво време ве тера на акција, на шетање или трчање во природа, вежбање на отворено и сите други видови продуктивност.
Од друга страна, дождот има предвидлива причина, па звукот на дожд од надвор доведува до тоа нашиот мозок да го перципира како смирувачка и незначителна врева. Токму заради тоа постојат толку многу видео и звучни записи за опуштање и медитација кои содржат звук на дожд.
Додека врне луѓето немаат желба да излезат, но затоа во затворен простор го прават она што најмногу го сакаат. Звукот на дождот смирува, па со него е полесно да се чита книга, да се учи или да се ужива во топла бања. Освен тоа и мирисот на дожд повеќето луѓе ги поврзува со позитивни размислувања и сеќавања од минатото. Тој интензивен и суптилен мирис кој го тонира воздухот враќа во времето кога сте биле на топло и сигурно. Затоа со звукот на дождот обидете се да опуштите колку што можете повеќе и заборавете на депресивното време и уживајте.
