Аневризма означува абнормално проширување на ѕидовите на артериите до кои најчесто доаѓа поради ослабени ѕидови на овие крвни садови. Причините за аневризма се уште не се јасни, но познато е дека некои се вродени, а некои се развиваат преку целиот живот.
Лекарите нагласуваат дека до аневрзима доаѓа поради атеросклероза на крвните садови, односно до задебелување и крутост на крвните садови, но и поради други дефекти.
До аневризма може да дојде и заради покачен крвен притисок, како и холестерол, а и пушењето може да го зголеми ризикот за развој на аневризма на аортите и артериите. Појавата на аневризма на слезината често е поврзана со бременоста. Сепак, покачениот крвен притисок е најчеста причина за аневризма.
Ова заболување може да се појави на различни делови од телото. Вообичаени локализации за развој на аневризма се аортата (главна артерија која излегува од срцето), артеријата на мозокот (церебрална аневризма), абдоминални, кои може да бидат и во абдоминалната аорта или во останатите артерии кои ги снабдуваат цревата со крв, артериите на слезината или во коленото.
Симптоми
Од самата локализација на аневризмата, додека се уште е во близина на површината на телото, односно на кожата, може дури и да боли, како што може да почувствува и оток, како што може да се почувствува и “пулсирачки јазол“.
Аневризмите во мозокот или стомакот често не предизвикуваат никакви симптоми. Сепак, голема аневризма во мозокот може да притиска различни мозочни структури и како резултат на тоа да предизвика губење на видот на едното око, заматување на видот, силни главоболки проследени со мачнина и повраќање, вртоглавица, или зуење во ушите. Абдоминалната аневризма може да предизвика болки во стомакот и грбот, велат докторите.
