Новото истражување покажало дека во САД во последните неколку години дошло до значително зголемување на бројот на заболени од депресија, особено кај младите лица. Имено, вкупната стапка на заболени од големо депресивно пореметување изнесува 4,4 отсто, што претставува пораст од 33 отсто во периодот помеѓу 2013 и 2016 година. Во истиот временски период, бројот на заболени од депресија кај тинејџерите е зголемен за 63 проценти!
Инаку, луѓето со големо депресивно нарушување се во просек речиси 30 отсто помалку здрави отколку лицата без депресија. Исто така, 85 проценти од болните од депресија имаат една или повеќе други сериозни хронични болести.
Исто така, студијата покажала дека жените имаат два пати поголема веројатност од заболување од депресија во однос на мажите (6 проценти наспроти 3 проценти)
Се претпоставува дека за зголемување на зачестеноста на депресија кај чувствителните адолесценти би можела да биде одговорна комбинацијата на зголемена употреба на електронски уреди и нарушувања на спиењето, пишува „Blue Cross Blue Shield – Health of America Report“.
