Повеќето од луѓето на дрогата гледаат со одбивност, но, веројатно, не знаат дека голем број луѓе се всушност зависни од еден друг вид дрога – шеќерот. Научниците од Icahn School of Medicine откриле дека шеќерот може да предизвика зависност поголема и за осум пати посилна од онаа на кокаинот! Според истражувањето, храната која предизвикува најголема зависност е пицата и тоа заради големиот број скриени шеќери, кои може да ги пронајдеме во само едно парче. Покрај пицата, тука се и чипсот, бисквитите и сладоледот.
Шеќерот е насекаде околу нас
Баш како и кокаинот, шеќерот го активира допаминот поради кој веднаш се чувствуваме подобро. Меѓутоа, тоа чувство не трае долго по заради тоа мозокот бара уште, а со текот на времето ќе бара уште повеќе за да се постигне тоа чувство на еуфорија. За жал, не е потребен многу голем труд за да се задоволи оваа зависност затоа што шеќерот е насекаде околу нас. Житарките, јогуртот и протеинските плочки, на пример, спаѓаат во здрава храна, но всушност можат да ја заситат вашата зависност од слатки.
Намалете го внесувањето на шеќери
Од претерано внесување шеќери не само што ќе станете зависни – може да развиете и дијабетес, срцеви болести, па дури и акни на кожата. Како да се намали желбата за слатко? Водата нека биде вашиот главен пијалак, јадете здрава храна наместо индустриска и грицки, вежбајте и, се разбира, спијте доволно.
