И покрај опасните последици, истражувањата покажуваат дека 30 проценти од жените помеѓу 18 и 23 години не јадат за да можат да пијат, наведуваат стручњаците од Универзитетот Тексас. Ниту малку оптимистички податоци стигнуваат и од Германија, а истражувањата покажуваат дека 6,7 милиони Германци консумираат алкохол на начин кој е опасен по здравјето (податоци од 2020. година) и тоа особено во пандемијата – кога во алкохолот се бара бегање од секојдневието. Но, овој феномен не е нужно поврзан со пандемијата и бара внимание неврзано за ситуацијата, предупредува струката.
Ваквото однесување најчесто произлегува од страв од дебелеење поради алокохолот и почесто се јавува кај жените на студентска возраст, иако се јавува и кај мажите.
Во екстремни случаи, дрункорексијата може да биде поврзана со анорексија или со булимија. Но, и лицата кои немаат никакво пореметување во исхраната, но го ограничуваат внесот на храна пред излегување, може да спаѓаат во дрункорексичари.
КОИ СЕ РИЗИЦИТЕ?
Замената на калориите од исхраната со оние од алкохолот носи неколку ризици. Комбинацијата на пореметување на исхраната и опивањето е голема закана како за физичкото, така и за менталното и емоционално здравје.
Пиењето на празен желудник може да доведе до прекумерно консумирање и неочекуван степен на опиеност, со што се зголемува ризикот од повреди и други проблеми.
Консумирањето алкохол ги ограничува нашите можности за донесување одлуки и може да доведе до тоа да почнете и со нездрави прехранбени однесувања, како прејадување. Дрункорексијата води до сериозни здравствени проблеми, пишува Центарот за истражување на САД:
- Несвестица
- Труење со алкохол
- Хипогликемија
- Оштетување на мозокот поврзано со алкохол
Долгорочно, зголемен е и ризикот од здравствени состојби поврзани со алкохол, како:
- Болести на црниот дроб
- Остеопороза
- Кардиоваскуларни заболувања
- Дијабетес
- Деменција
Доколку забележите дека некој во ваша близина повеќе пие отколку што јаде, секако обрнете внимание на следниве однесувања и навики, како и симптоми поради кои е неопходно да побара помош:
- Претерана грижа околу дебелеењето и сопствениот изглед
- Често одење во тоалет по оброк заради повраќање
- Екстремни диети и претеран режим на вежбање
- Користење на лаксативи и диуретици за слабеење
- Јадење прекумерна количина на храна проследено со чувство на вина
- Ниска самодоверба
- Депресија
- Страв од губење на контрола
