Дуњата изобилува со витамини и минерали. Содржи витамин Ц во голема количина, потоа витамини Б1 и Б2, ниацин, каротен, калциум, магнезиум, калиум, бакар, натриум, цинк, железо, манган, натриум, хлор и сулфур. Покрај тоа, содржи и протеини, диетални влакна и јаглехидрати.
Семките се нејзиниот најлековит дел, и кога ќе отстојат во вода пуштаат слуз, кој помага при проблеми со кашлањето. Содржат големи количини амигдалин, односно витамин Б17, кој има антиканцерогено дејство. Семките се богати и со масти, танин, пектин, шеќер, јаболкова киселина, емулзин и протид.
Благодарение на танинот и слузот, ова овошје поволно делува и на работата на цревата и спречува инфективни болести. Пектинот поволно делува на крвниот систем и помага во намалување на крвниот пртисок. Сокот од дуња помага при кашлица, астма, дијареа, додека печената или варена дуња се препорачува за анемија, но и за лечење од воспаление на желудникот. Дуњата се употребува и за лечење на слузокожата на ждрелото, крајниците, дишните патишта, како и ублажување на обилни месечни циклуси. Чајот од семките помага при несоница, ублажува напнатост, го отстранува лошиот здив, додека течноста од семките лечи рани и опекотини. Чајот од листовите од дуњата е одличен против дијареа.
Чај од плодот
Овој чај благотворно делува на дишните патишта, ја смирува кашлицата, и ги ублажува симптомите на бронхитис.
Подготовка: Измијте го, исчистете го и пресечете го плодот на четири дела Отстранете ги семките и тврдиот дел околу нив, а меснатиот дел исечете го на парченца,, ставете го во литар вода и варете 15 до 20 минути, па оставете го да се олади. Процедете го и пијте го во голтки преку целиот ден.
Сируп за бронхитис
Народен лек против кашлање и воспаление на дишните органи. Можете да го направите многу едноставно и тоа само од неколку семки.
Подготовка: Издробете пет семки од дуњата и прелијте ги со 100мл вода. Кога ќе се направи густа смеса, додадете 100гр. мед од жалфија. Земајте по една лажичка три пати на ден пред јадење.
Мелем за опекотини
Мелемот од семките на дуњата може да биде од помош при лекување на изгореници и рани.
Подготовка: Издробете 10гр семки, прелијте ги со 200мл вода и почекајте да се направи погуста маса. Нанесете ја на болното место директно или како облога.
