Една од работите од кои ве штити вакцината е болничко лекување, но и смртен исход. Д-р Ентони Фаучи, главен медицински советник и директор на Националниот институт за алергии и инфективни болести во Америка откри дека 99 проценти од неодамнешните смртни случаи како последица од КОВИД-19, имаат една заедничка работа.
ШТО ТОА Е ВО ПРАШАЊЕ?
Ако го гледате бројот на починати, околу 99.2 проценти се работи за лица кои не се вакцинирани, а околу 0.8 се оние вакцинирани, истакнува Фаучи. Тој вели дека ниту една вакцина не е совршена, но ако зборуваме за можностите за избегнување на хоспитализација и смрт, вакцините се совршени, и трагично е што такви исходи може да се избегнат и превенираат.
“Јасно е дека ќе има лица кои иако се вакцинирани ќе имаат проблеми, па така може да завршат во болница или дури и да умрат. Но таа голема разлика во процентот ооткрива многу, што значи дека може да се спречи“, додава експертот.
“Вакцините нудат заштита од вирусот што во моментов е околу нас, а тоа го вклучува и делта сојот и токму на тој начин ги штитиме поединци, семејството и заедницата, спречуваме опасни исходи, но и оние смртни“, наведува д-р Рошел Валенски, директорка на Центарот за контрола и превенција на болести на САД (ЦДЦ). “Прелиминарните податоци укажуваат дека во изминативе шест месеци, 99.5 проценти од смртните исходи од КОВИД-19 биле кај невакцинирни лица“, додава Валенски.
“Било какво страдање или смрт поврзана со оваа болест може да се избегне и се работи за трагедија за целиот свет. Губитокот што моментално го гледаме можеше да биде речиси целосно спречен. Вакцините се достапни и бесплатни за сите и им советувам на сите кои се уште тоа не го направиле, да се вакцинираат, особено ако сте во ризична група. На оние кои не се вакцинирани им советувам да носат маска и да избегнуваат гужви за да се превенира ширење на вирусот“, заклучува Валенски.
