Минатата година бевме предупредени да избегнуваме големи собирања во текот на новогодишните и божикни празници за да го избегнеме коронавирусот, а денес кога се достапни вакцини, многу експерти дадоа свое одобрување за сите собирања оваа година.
Многумина веќе ги искористија овие совети и планираат или веќе отпатувале, но работите се променија со појавата на новата варијанта на вирусот омикрон и тоа ширум светот, а засега се знае дека многу полесно се пренесува и дека може да ја загрози заштитата што ја нуди вакцината. Од тие причини, стручњаците нудат нови совети како да се однесуваме за време на празниците.
Мајкл Мина, епидемиолог и асистент по епидемиологија на Универзитетот Харвард предупредува дека тестирањето неколку дена пред забавата не е гаранција, особено поради оваа нова актуелна варијанта.
Според него, тестирањето треба да го направите неколку часа пред дружењето, дури и ако сите присутни се вакцинирани, бидејќи во само 24 часа резултатот од тестот може да биде поинаков.
Исто предупредување стигна и по ново истражување во Англија каде се покажало дека лицата заразени со омикрон варијантата стануваат заразни многу побрзо отколку што тоа било случај со претходните варијанти. Тим Спектор, професор по епидемиологија вели дека се повеќе инфекции се забележуваат по собирање на луѓето, а благодарение на оваа варијанта која многу лесно се пренесува.
“Секако, ако споредуваме со делта сојот, има повеќе позитивни случаи. Делта, така се чини, не влијаеше на сите присутни на собирот“, истакнува тој и додава дека важен совет е сите кои планираат собирања, неколку часа претходно да направат тест.
Некои експерти изразија загриженост околу точноста на податоците на брзите тестови, но д-р Мина додава дека нема потреба за загриженост, бидејќи и тие го препознаваат овој сој на вирусот. Значи, не е важно кој тест го користите се додека го користите. И Центарот за контрола и превенција на болести исто истакнува дека брзите текстови се добра заштитна мерка од ширење на вирусот.
“Без разлика дали сте вакцинирани или немате симптоми, направете тест пред да се дружите, дури и ако тоа не се работи за голема група на луѓе“, додава тој. Прераното тестирање е нешто на кое експертите предупредуваат како недоволна мерка за заштита. „Колку повеќе учиме за оваа нова варијанта, толку ни е појасно дека тестирањето треба да се воведе непосредно пред да собирите или патувањата за да ја зајакнеме заштитата на сите нас“, додава д-р Мина.
