И натаму науката се обидува да открие повеќе за пациентите кои доживеале долг КОВИД-19, а сознанијата до кои дошле би можеле да ве изненадат.
Освен познатите симптоми како кашлица, покачена телесна температура, замор, губење на мирис и вкус, некои пациенти доживеале и нешто “поинтимни“ симптоми за кои многу не се зборува, а се јавуваат и кај мажите и кај жените. Во прашање е сексуално репродуктивниот систем, а проблемите се појавуваат по коронавирусната инфекција. Поконретно, некои жени забележале промени во циклусот, а мажите еректилна дисфункција долго откако болеста завршила.
Научен труд објавен ова лето во списанието Journal of Endocrinological Investigation претставува дека еректилната дисфункција е еден од симптомите на коронавирусот. Научниците откриле дека машките пациенти во поголем број можат да доживеат хипогонадизам – намалено лачење на тестостерон, излачување на семена течност или и двете, а ретко, намален одговор на тестостерон, во споредба со оние кои не ја прележале болеста.
“Дали се работи за долготрајна или минлива состојба е прашање кое бара одговор“, појаснуваат стручњаците.
Истовремено, тие споменуваат дека доаѓа до намален брпј на Лејдигови клеткикои се наоѓаат во тестисите и кои асистираат производство на тестостерон и се одговорни за сперматогенеза, процес на сосздавање на сперматозоиди што се одвива во семените канали на тестисите. Научниците сметаат дека ова би можело да биде една од причините за големата разлика во смртноста и хоспитализациите кај мажите и жените, а и може да појасни зошто вирусот најчесто ги зафаќа повозрасните мажи.
Но, и жените доживуваат сексуални и репродуктивни симптоми за кои лекарите веруваат дека се поврзани со хормоните. Луис Њусон, специјалист за менопауза, вели дека во моментов работи на испитување на овие симптоми кај пациент. Со 842 одговори од пациентите што ги собрала до денес, таа вели дека резултатите ги потврдуваат сомневањата дека долгиот КОВИД-19 е поврзан со нивото на хормони, што до денес беше секогаш побивано.
Како поддршка на оваа теорија, таа додава дека многу жени забележале влошување на симптомите на КОВИД-19 непосредно пред почетокот на менструацијата – кога нивото на естроген е многу ниско. Смета дека не е случајно што симптомите на долг КОВИД потсетуваат на симптомите на менопауза – замор, болка во мускулите и зглобовите, вртоглавица…
