Според резултати од две нови истражувања, два експериментални лека, покажуваат ветувачки резултати во лекувањето на агресивниот так на дојка, метастатски ХЕР2 – позитивен рак на дојка, кој се проширил на останати делови на телото. Инаку, ХЕР2 позитивните карциноми на дојка чинат од 15 до 2о проценти од сите карциноми на дојка.
Една година по почетокот на лекување со еден од лековите, 33% од пациентките биле живи без влошување на нивната болест, во споредба со само 12% во контролната група. Стапката на двегодишно преживување изнесувала 45% за пациентките кои биле на првиот лек, во споредба со 27% во плацебо групата.
Треба да се истакне дека првиот истражуван лек помогнал и кај пациентки со метастатски рак на дојка, кој се проширил и на мозокот.
Според мислењето на стручњаците, додавањето на овој лек во стандардната терапија, би озбезедило клинички значаен исчекор во лекувањето на метастатскиот рак на дојка.
Второто истражување покажало дека новиот лек, кој ја прекинува постапката со која клетките на рак ја копираат својата ДНК пред делењето, исто така ја подобрува стапката на преживување кај пациентките со метастатски ХЕР2-позитивен рак на дојка.
Треба да се истакне дека примената на овие лекови не е без нуспојави, а најзначајна е интерстициска болест на белите дробови, која сама по себе може да доведе до губење на животот.
