Со едно американско истражување се утврдило дека комбинацијата од физички вежби и свесната медитација во голема мера би можела да помогне да се подобри расположението и да се ублажат симптомите на депресија како што се тага, замор, хиперсензитивност, тегоби, проблеми со сонот, недостаток на апетит, сексуална желба и сл.
Во истражувањето учествувале 52 испитаници од кои 22 имале проблеми со депресијата. Сите учесници двапати недело во времетраење од 30 минути вежбале и потоа медитирале (т.е. вежбале потполна свесност – mindfulness) во траење од 20 минути. После осум недели кај испитаниците со депресија било забележано намалување на симптомите за дури 40 отсто.
Заклучок – вежбајте!
