Еден симптом повеќето луѓе го игнорираат, а може да биде знак на сериозна болест

Лекарите предупредуваат дека сите случаи во кои останувањето без здив не поминува само по себе во рок од неколку дена може да бидат потенцијално опасни и да бараат стручен преглед за да се утврди вистинската причина.

Чувството на недостаток на воздух е честа појава и нужно не мора да значи дека е потребно да се отиде на лекар, но во случаеви кога се случува изненадно или без некои други пропратни симптоми, кај луѓето знае да создаде одреден страв.

Постојат многу можни причини за отежнато дишење, а додека некои од причините се целосно безопасни, други може да бидат знак за сериозна болест и како такви бараат итна интервенција.

Како што објаснуваат лекарите, чувството на задишаност, отежнато или забрзано дишење и слични појави се сосема нормални кога човек ќе доживее некој тежок физички напор, стрес или голема возбуда.

Кога се знае причината за отежнатото дишење, нема причина да се оди на лекар, бидејќи тогаш се работи за најнормалната зголемена потреба на телото за кислород.

Меѓутоа, ако отежнато дишење се појави во мирување и е придружено со некои други непријатни симптоми како стегање во градите или неможност за длабок здив, ситуацијата веќе не е толку безопасна.

Отежнатото дишење или диспнејата неретко се јавуваат кај срцеви пациенти, лица кои имаат ниско ниво на железо или се анемични, кај поединци кои доживуваат анксиозност, кај пушачи, кај луѓе со респираторни заболувања и кај луѓе кои имаат проблеми со вишокот килограми.

Лекарите предупредуваат дека сите случаи во кои останувањето без здив не поминува само по себе во рок од неколку дена може да бидат потенцијално опасни и да бараат стручен преглед за да се утврди вистинската причина.

Има и состојби кога е неопходна интервенција

Но, постојат и ситуации во кои е потребно да се реагира што е можно поскоро бидејќи може да дојде до сериозни последици. Една од нив е белодробната емболија кај која доаѓа до запушување на белодробните артерии поради тромбоцити, односно згрутчувања кои доаѓаат од периферните делови на телото.

Се карактеризира со зголемена фреквенција на дишење и отежнато дишење, а оваа состојба бара итна медицинска помош. Често, предупредуваат лекарите, се појавува со симптоми на кашлица, покачена температура и цијаноза.

Не смее да се занемари ниту срцевиот удар кај кој до отежнато дишење доаѓа поради намален или попречен проток на крв во срцето, а симптом меѓу другото е и отежнато дишење.