Резултати од студија спроведена во САФ укажува дека една доза вакцина против хуман папиломавирус (ХПВ) може потенцијално да спречи инфекција која за последица може да има рак. Инаку, според американскиот Центар за контрола и превенција на болести, секоја година во САД се дијагностицираат 34.800 нови случаеви на крцином кои се поврзани со хуман папиломавирусот.
Се смета дека ХПВ е одговорен за над 90 проценти од сите случаеви на рак на грлото на матката и рак на анусот, повеќе од 60% од сите карциноми на пенисот и околу 70% од сите орални карциноми.
Иако резултатите од студијата покажале дека поединечна доза може да биде еднакво ефикасна како и моментално препорачаната серија од две или три дози, се смета дека е прерано луѓето за заштита да се потпираат на една доза вакцина.
Треба да се спомене дека најновата генерација на вакцини против ХПВ може да штити од речиси 90% од ХПВ инфекциите кои предизвикуваат рак.
