Не им е едноставно на научниците да откријат кој е во ризична група за развој на која болест, а само неколку карциноми имаат силна врска со гените. Но, ако знаеме што повеќе за овој проблем и што може да предизвика развој на карцином, може малку повеќе да вложиме во превенцијата.
Неодамна научниците откриле дека една крвна група е особено поврзана со поголем ризик од појава на два вида, посебно смртоносни карциноми.
ЗА КОЈА КРВНА ГРУПА СТАНУВА ЗБОР?
Во студија објавена на почетокот на оваа година на порталот BMC Cancer, научниците ги прегледувале податоците за генотипите на илјадници жители на Кина и дошле до информација дека лицата кои имаат крвна група АБ имаат и 34% поголеми шанси да кај нив се развие карцином на хранопроводот во споредба со лица кои имаат крвна група О. Дошле до сознанија и дека лицата кои имаат крвна група АБ имаат и 44% поголеми шанси да кај нив се развие рак на желудникот, а лицата кои имаат крвна група А имаат 37% поголеми шанси за развој на оваа болест.
ЗОШТО ОВИЕ ВИДОВИ КАРЦИНОМ СЕ ТОЛКУ СМРТОНОСНИ?
Станува збор за два најопасни карциноми, а често доаѓа до смртен исход. Околу 20 проценти од лицата кои имаат рак на хранопроводот ќе шреживеат 5 години по дијагнозата, а кај ракот на желудник се работи за бројка од 32 проценти.
Ракот на хранопроцот е високо на листата на најсмртоносни болести во светот, а ракот на желудник во светот зазема петто место межу најсмртоносните болести. Смртоносни се бидејќи често немаат симптоми во рана фаза, а кога ќе се откријат веќе се прошириле на други делови на телото и така во голема мера го отежнуваат лекувањето.
ШТО Е КАРЦИНОМ НА ХРАНОПРОВОД?
Рак на хранопровод е малигнен тумор со брза тенденција за ширење во околината и рано метастазирање во оддалечени органи. Епидемиолошките податоци укажуваат дека зачестеноста им е во пораст. Почест е кај мажите отколку кај жените (5-7 пати), кај лица над 60 години, како и кај лица со понизок социо-економски статус. Во почетниот стадиум овј карцином обично не дава никакви симптоми. Симптомите на отежнато голтање, поради еластичноста на ѕидовите на хранопроводот се јавува дури кога ширината на хранопроводот, која изнесува околу 2 цм, се стесни на половина или дури на една третина. Прво се јавуваат пречки при голтањето на крута, потоа делумно крута и на крајот течна храна и плунка. Губење на телсна тежина се јавува речиси кај 50% од пациентите. Отежнато дишење, кашлица, засипнатост и болка во градите и грбот се јавуваат поретко и се знаци на веќе напредната болест.
ШТО Е РАК НА ЖЕЛУДНИК?
Ракот на желудник најчесто се појавува со малигна преобразба на клетките на слузницата на желудникот. Таквата форма на рак се нарекува аденокарцином. Тој претставува 90-95% од сите случаи на рак на желудник. Иако зачестеноста на ракот лоциран во самиот желудник се намалува, драматично расте бројот на случаи на рак лоциран на преминот на хранопроводот во желудникот. Особено загрижува што овој тип на карцином често се јавува кај пациенти помлади од 40 години.
Во рана фаза на ракот на желудник можно е да не се забележат симптоми или само благи непријатности со дигестијата. “Иако симптомите може да бидат благи и подмолни, ако не поминуваат или се влошуваат, треба веднаш лицето да се упати на медицинска контрола“, напоменува онколошкиот хирург Роберт Лурие од Универзитетот Нортвестерн.
Во напредната фаза може да се појават и симптоми како крв во столица, повраќање, рефлукс, губење на апетитот.
