Деменцијата е состојба позната на сите и за жал многу честа, а влијае на когнитивните функции и се почесто се дијагностицира во светот. Д-р Френсин Васкавиц, додава дека секој кој има мозок мора да се грижи за деменцијата, а денес бројот на заболени е во пораст. Според проценките на експертите, бројот на заболени тројно ќе се зголеми до 2050 година.
“Токму овој брз пораст на бројот на заболени значи дека деменцијата може да стане и ваш проблем. Моментално нема лек за неа. Најдобрата алатка во борбата против неа е токму превенцијата во форма на здрав животен стил“, додава таа.
Иако не постои сигурен начин да се превенира оваа состојба, постојат здрави избори кои во голема мера можат да го намалат ризикот. Д-р Васкавиц додава дека експертите проценуваат дека избегнувањето на факторите на ризик може да ја превенира или одложи деменцијата во 40 проценти од случаите. Колку побрзо почнете да инвестирате во превенцијата, толку подобра ќе биде вашата заштита на здравјето.
КОИ НАВИКИ ГО ЗГОЛЕМУВААТ РИЗИКОТ ОД ДЕМЕНЦИЈА?
“Иако е тешко да се предвиди што точно ќе влијае на развојот на деменција, одредени навики можат да го зголемат ризикот. Тоа вклучува постојани проблеми со спиењето и несоница (помалку од 6 часа сон), консумирање намирници кои се полни со маснотии и кои ќе поттикнат воспаленија. Тука е и чувство на осаменост и социјална изолација кое трае долго. Седењето, пушењето цигари и пиењето големи количини алкохол се исто така опасни“,објаснува докторката.
ОВА Е ПРЕГЛЕД КОЈ МОРА ДА ГО НАПРАВИТЕ
Постои една работа на која докторката предупредува дека е многу опасна.
“Губењето на слух кое не се лекувало може да го зголеми ризикот од развој на деменција. Според пишувањата на Lancet Commission, се смета дека губењето на слухот е причина за деменција во дури 8 проценти од случаите. Возрасните кои страдаат од губење на слухот често се оние кај кои побрзо ќе дојде до когнитивно пропаѓање, проблеми со меморијата и размислувањето Доколку и самите го забележите овој проблем, задолжително закажете преглед кај лекар.
