„Едно јаболко на ден и не ви е потребен доктор“ – добро позната поговорка, која доволно зборува за изобилството од хранливи материи присутни во ова овошје, кои му се потребни на нашиот организам.
Но, дали знаете дека не е сеедно во кое време од денот го јадете јаболкото? Според ајурведата, некои намирници треба да се јадат во одредени периоди од денот, а истражувањата покажаа дека јаболкото треба да се јаде во утринските часови.
Јаболката изобилуваат со влакна и пектин кој се наоѓа во јаболковата кора
Затоа е многу важно јаболкото да не се лупи, односно да се консумираат органски плодови за да не мора да го фрлате најквалитетниот дел поради пестициди.
Голем број на луѓе имаат проблеми со дигестивниот систем и со спиењето, но, исто така, и со навиките за доцно јадење. Избегнувајте јадење навечер, а јаболкото изедете го наутро. Редовното јадење јаболка ќе ви помогне не само да ги изгубите несаканите килограми и да ја одржите вашата кожа здрава, туку и да го подобрите варењето, а поволно ќе делува врз вашето здравје на долгорочна основа.
Пектинот помага во одржување на здравата микрофлора во дебелото црево, што дополнително му помага на дигестивниот систем. Пектинот од јаболкото, исто така, ќе ги отстрани токсините од организмот и со тоа ќе го намали ризикот од развој на рак.
