Сезоната на вируси е во полн ек и се што сега можеме да направиме е да го подобриме имунитетот со поздрава исхрана и поздрав начин на живот. За во тоа да успеете и да спречите во текот на зимата да се разболите, можеби би требало да посветите внимание на своите навики.
Затоплете се
Иако времето е променливо и некои денови се многу топли, облечете се топло за да не настинете. Ако има потреба, носете и капа и шал. Предуслов за заштита од настинка е на прво место секогаш да ви е топло.
Опуштете се
Иако имате куп обврски, одвреме-навреме дајте си време да се опуштите, да ги разбистрите мислите и да се ослободите од стресот, затоа што токму тој е една од најчестите причини за слабеење и пад на имунитетот.
Подобрете го квалитетот на сонот
За организмот да се штити од вируси неопходно е да биде одморен и затоа е мошне важно да го подобрите квалитетот на сон. Ако не спиете по 8 часа, барем дајте се од себе оние 6 колку што ви се на располагање да бидат квалитетен сон. Проветрете ја собата, изгаснете го светлото, оставете го телефонот настрана. Наспијте се!
Хранете се здраво
Во студените денови бирајте намирници богати со нутритиенти, како и витамини и минерали, кои ќе го зајакнат вашиот имунитет, ќе му дадат неопходна енергија на организмот и ќе направат да се прочистите од токсините.
Движете се
Иако е ладно трудете се да бидете што е можно поактивни затоа што физичката активност е од пресудна важност за здравјето. Трудете се да пешачите и тренирате барем 3 пати неделно. Тренингот ја подобрува циркулацијата на белите крвни зрнца кои се антитела на вирусите, низ целиот организам и така ве чуваат од инфекции и бактерии.
Водете сметка за хигиената
Хигиената, а особено миењето раце е од пресудно значење за здравјето затоа што неопходно е да се намали внесот на бактерии во организмот.
