На сите понекогаш ни се случува да се чувствуваме безволно и празно. На тоа може да влијаат разни животни фактори, а понекогаш тоа може да бидат и прилично банални нешта, како лошото време или ненаспаноста. Кога сте приморани да ја завршите својата работа и обврски, а едноставно немате сила, ниту волја за тоа, вреди да ги поробате следниве три потези кои би можеле да ви помогнат да ја вратите енергијата и позитивното расположение.
Комбинирајте протеини и јаглехидрати
За најдобар енергетски поттик, во ист оброк консумирајте протеини и јаглехидрати. Секако, внимавајте на тоа да бидат што поздрави намирници како овошје, зеленчук, интегрален ориз, месо и полнозрнести житарки.
Пијте многу вода
Обидете се да пиете што е можно повеќе вода секој ден. Според лекарите, недоволниот внес на течности во организмот е главната причина за појава на чувство на замор и мрзеливост. Доколку ви е полесно, одредена количина вода заменете ја со природни чаеви или свежо цедена, незасладена лимонада.
Шетајте
Ако ве мачи чувство на замор и безволност, земете си 10 минутна пауза и прошетајте низ домот, канцеларијата или во дворот. Наместо мобилниот телефон, со себе понесете само шише вода и обидете се неколку минути да го одморите мозокот и да го освежите телото.
