Истражувањето кое траело повеќе од 30 години покажало дека акутната лимфобластна леукемија (ALL) најчеста причина за рак кај децата би можела да биде спречена на многу едноставен начин. Научниците веруваат дека опсесијата со чистота и стравот од бактерии може да играат важна улога во развојот на болести на имунолошкиот систем на детето, што ги спречува децата да се развиваат правилно.
Акутна лимфобластна леукемија е вид на рак на крвта, која влијае на коскената срцевина. Иако третманите се исклучително непријатни, денеска околу 90 % од децата со ALL се излекувани.
Гледајќи го широкиот спектар на претходни студии, како и новите резултати, истражувачите дошле до теорија дека претераната чистота може да доведе до развој на разни болести
Едно од дваесет деца има генетска предиспозиција за АЛЛ, но ако нивниот имунолошки систем се развие правилно, тие ќе останат здрави. Меѓутоа, ако овие деца не се изложени на изобилство на микроорганизми во првата година од животот, нивниот имунолошки систем нема да се развие и нема да знае како да се справи со инфекциите.
Ако детството се помине во премногу чиста средина, поголема е веројатноста дека децата ќе страдаат од алергии и астма, а се зголемува и ризикот од автоимуни болести
Современиот начин на живот доведе до тоа луѓето, а особено на мајките, претерано да чистат и намерно да ги заштитуваат своите деца од сите потенцијални бактерии, што не е добро. За возрасен човек е природно да дојде во контакт со сите видови на нечистотии и инсекти и имунолошкиот систем лесно да се одбрани од бактериите и клиците, но детето допрва треба да го развие својот имунолошкиот систем, а тоа не е можно ако не дојде во контакт со нечистотија.
Затоа децата имаат потреба од многу интеракција со други деца и домашни миленици или играње во валкани средини, бидејќи тоа е многу корисно за нивното здравје. Ако детството се помине во премногу чиста средина, поголема е веројатноста дека децата ќе страдаат од алергии и астма, а се зголемува и ризикот од автоимуни болести како што се дијабетес тип 1 и мултиплекс склероза.
Помалку развиените земји, каде што децата се повеќе изложени на бактерии, немаат драматично зголемување на овие болести. Докторите предупредуваат дека бактериите и инфекциите не се проблем, проблемот е недостатокот на инфекции.
Иако чистотата може да придонесе за развој на разни болести, тоа не е единствената причина. Кај ALL голема улога игра и генетската предиспозиција, така што родителите на заболените деца не би смееле да чувствуваат одговорност, но секако, им се советува да обрнат внимание на овие работи, пишува www.iflscience.com.
