Со пандемија на КОВИД-19, нашиот организам овие денови е поподложен на болести. Токму затоа е важно да се води дополнителна грижа за себе и својот имунитет за да бидете подготвени да се борите против болести, ако тоа се случи.
Хранливите материи се најважната компонента на овој совет, па потребно е да се јаде разновидна храна која нуди се што му е потребно на организмот. Не смее да се заборави и водата, но постои една напивка која ќе направи многу за вашиот имунитет, објаснува нутриционистот Лора Бурак.
Пред се, дали сте се запрашале зошто луѓето почесто се разболуваат кога надвор е ладно? Лекарите одговараат дека првата причина е тоа што сме повеќе во затворени простори, па па последните две години научивме дека вирусите најлесно се шират во затворени простори. Исто така, луѓето почесто ќе донесуваат погрешни одлуки кога е зима, па ќе јадат и не толку здрава храна, помалку се јаде овошје и зеленчук кои се полни со антиоксиданти и витамини.
УТРИНСКА НАПИВКА ЗА ЗДРАВЈЕ
Ако барате напивка за почеток на денот, посегнете по билен чај. “Зелениот чај е мојот прв одговор кога ќе ме прашаат, бидејќи ќе обезбеди доза на кофеин, но и антиоксиданти и полифеноли, билни состојки кои можат да го намалат воспалението и да дејствуваат како заштита од воспалителни процеси и развој на хронични болести како што е ракот. Исто така го намалува холестеролот и има докажани антиканцерогени својства. Како и кафето и мачата, содржи кофеин, а шолја зелен чај содржи 24-40 милиграми кофеин, што е значително помалку од една шолја кафе, но пиејќи зелен чај со кофеин не можете да претерате, а ќе бидете полни со енергија!“, порачува Бурак.
ЗДРАВСТВЕНИ ПРИДОБИВКИ ОД ЗЕЛЕНИОТ ЧАЈ
Зелениот чај има безброј придобивки за телото, а кога се консумира може да го зајакне имунитетот, штити од хронични болести, развој на рак, срцеви и мозочни заболувања, објаснува таа. Зелениот чај содржи шест основни полифеноли, познати како катехини. Можеби не сте знаеле дека зелениот чај е поврзан со забрзан метаболизам и побрзо согорување на мастите. Истражувањата потврдиле и дека овој чај помага при дијабетес, го намалува стресот, ги штити забите и телото од штетното УВ зрачење и вирусни инфекции.
КАКО ПРАВИЛНО ДА ПОДГОТВИТЕ ЧАЈ?
Најголем бенефит ќе имате доколку пиете свежо подготвен чај, кој отстоил помеѓу три и пет минути. Во текот на овие неколку минути катехините излегуваат на површина и имаат подобар ефект кога се пие чајот. Зелениот чај направен од сушени листови исто така содржи повеќе катехини.
