ЕКСПЕРТИ ОД ХАРВАРД: Ни требаат евтини тестови за коронавирусот и повеќе тестирања

Истражувачите повикуваат на употреба на брзи тестови кои се евтини и кои можеби не се толку точни, но тестирањето може да се спроведува неколку пати неделно на целата популација, а за нивната употреба имаат добра причина.

Мајкл Мина, доцент за епидемиологија на Универзитетот Харвард, со недели наназад се залага за она кое го нарекува “луди“ тестови.

Неговата идеја е да се направи отстапка од моменталните високо прецизни молекуларни тестови, познати како ПЦР тестови, кои се уште се оскудни и за кои луѓето често мораат да чекаат со часови или денови за да се тестираат, а потоа да чекаат и неколку дена за резултатите. Тој ја повика Агенцијата за храна и лекови (FDA) да одобри продажба на брзи тестови со помош на кои тестирањето може да се направи и дома со користење на хартиена лента која ја менува бојата за 25 минути и дава резултат, слично како тестот за бременост, пишува Science alert.

Овие тестови имаат ниска чувствителност, што значи дека им недостасуваат многу позитивни резултати, па поради тоа даваат многу “лажно позитивни резултати“.

Но за Мина и останатите стручњаци, таквата стратегија би била поефикасна во поглед на јавното здравје, бидејќи во целата популација бројот на идентификувани случаи би бил поголем отколку со моменталниот систем на тестирање.

Брзите тестови имаат тенденција да бидат добри во откривањето на лица кои емитуваат голема количина на вирусот, што се случува во моментот кога се најзаразни, веднаш на почетокот на болеста, додека ПЦР тестовите се исклучително чувствителни и може да откријат дури и мали концентрации на вирусот, кога луѓето веќе и не се толку заразни.

“Толку сме фокусирани на скапи тестови со врвен квалитет, што никого не тестираме. Можеби само ни е потребен доволно евтин тест кој може често да се користи“, смета д-р Мина.

“Тие всушност не се луди тестови. Во одредени околности тие не се толку осетливи кога имате многу мала количина на вирусот и не го ширите многу. Но, кога сте навистина заразни, некаде на друго место имате голема количина на вирусот во грлото и тестот стамува многу, многу подобар“, смета шефот на Институтот за глобално здравје на Харвард, Ашиш Јха.

Од епидемиолошка гледна точка, тогаш сакате да добиете лица, да ги “фатите“ кога се најмногу заразни, објаснува Јха и вели дека дури и ако брзите тестови пропуштат половина од случаевите, веројатно е дека со два теста неделно ќе бидат откриени.