Енергетската вредност на 100гр целер е мала – изнесува 14 kcal / 59 kJ. Од тоа, 0,69 проценти се протеини, 2,97 проценти се јаглехидрати и 0,17 проценти се масти.
Можеби сте слушнале дека самото варење на целерот троши повеќе калории отколку што има еден целер? Тоа е интересна теорија, но денес истражувањата покажуваат дека тој не само што ќе влијае на метаболизамот, туку е и идеална намирница за летото што ќе спречи да дехидрирате. Како што и сами знаеме, овие денови е голема жештина, па консумирањето сок од целер може да ви помогне да ја избегнете опасноста што ја носи жешкото времеа, па дури и топлотен удар.
ЦЕЛЕРОТ МОЖЕ ДА ГО ЗАБРЗА НАМАЛУВАЊЕТО КИЛОГРАМИ
Според нутриционистите и диететичарите, ова е вистина: За да може нашето тело да го свари целерот, му треба многу енергија и калории, повеќе отколку што содржи самото растение.
За некои сокови, експертите успеаа да докажат дека се од помош при топење на маснотиите, но иако некои експерти за здрав живот велат дека сокот од целер ги има истите својства, научните студии не докажаа дека сокот од целер во толку голема мера може да го забрза метаболизмот.
Стручњаците истакнуваат дека е одлична намирница за хидрирање на организмот, истражувањата и покажале дека тоа се должи на големата количина на вода што ја содржи ова растение, а исто така нуди и електролити кои ќе помогнат да се балансира водата на организмот. Како резултат, растението е добро да се јаде кога е лето.
СОКОТ ОД ЦЕЛЕР НУДИ ДОПОЛНИТЕЛНИ ПРИДОБИВКИ
Иако не е докажано дека сокот од целер ќе биде голема помош при диета, тој секако ќе понуди работи што се добри за здравјето на организмот. Доколку имате проблеми со крвниот притисок, оваа билка е одлична помош за негово намалување, а позната е и како чистач на организмот, оти е одличен диуретик. Тоа ќе спречи надуеност и проблеми со варење на храната. Целерот е одличен извор на витамини К и Ц, калиум, фолна киселина и влакна. Исто така, содржи молибден, манган, витамини Б1, Б2, Б6, калциум, магнезиум, фосфор, железо и триптофан.
КАКО ДА НАПРАВИТЕ СОК ОД ЦЕЛЕР?
Не можеме да се каже дека сокот од целер е највкусната напивка што ќе ја пробате, но се исплати ако сакате да бидете здрави. Целерот убаво измијте го, не лупете го и оставете ги листовите. Ставете го целиот целер во блендер додека не се претвори во сок. Ако вкусот не ви се допаѓа, додадете морков или краставица.
СМУТИ ОД ЦЕЛЕР И КРАСТАВИЦА
Состојки:
- едно стебленце целер
- малку краставица
- две лажици свеж сок од лимон
- 350мл. вода
- мраз
- мед по желба
Подготовка:
Ставете ги сите состојки во блендер. Смутито е доволно за две чаши.
