Многу прашања, а малку одговори, особено оние проверени и веродостојни. Еден од факторите на ширење паника во случајот на коронавирус секако е недостатокот на информации. Досега се обидовме да ви пренесеме точни информации за клучните факи кои се однесуваат на овој вирус, од тоа кои се основните симптоми, дали маските штитат, кои се ризичните групи и како да се заштите, до тоа што може да се случи ако не ги почитувате препораките на надлежните институции во насока на ширење на заразната болест.
Еве што што одговараат на ова важно прашање за разликите на грип и новиот коронавирус, едни од водечките научници:
Проф. д-р Ненад Бан – молекуларен биолог, професор на престижниот сојузен технолошки институт во Швајцарија
Проф. д-р Гордан Лауч – молекуларен биолог на Заводот за биохемија и молекуларна биологија во Загреб
Проф. д-р Игор Штагљар – молекуларен биолог и редовен професор на одделот за биохемија и молекуларна генетика на Универзитетот во Торонто
Проф. д-р Лука Чичин Шаин – вирусен имунолог и професор на Медицинскиот факултет во Хановер
КОИ СЕ СЛИЧНОСТИТЕ И РАЗЛИКИТЕ ПОМЕЃУ COVID-19 И ВИРУСОТ НА ГРИП?
Проф. Чичин Шаин: Да се спореди коронавирусот и вирусот на грип е како да се спореди тигар и морско куче. Разликите во изгледот и животниот стил се значајни, но и двата се опаасни оти можат да наштетат, па дури и да убијат. И SARS-CoV-2 и вирусот на грип се зоонози, т.е. инфекции кои инаку се развиваат во некои животни, кои служат како природен резервоар, но се во состојба да преминат на човекот ако дојде до мутации поволни за вирусот. Поради брзата еволуција, секоја година вирусот на грип толку се менува да ни е потребна нова вакцина. SARS-CoV-2 е сосема нов вирус и многу нешта допрва запознаваме за него. Сепак, како и секој друг коронавирус, има спостабилен генетски и код и поради тоа се надеваме дека на овој вирус ќе му биде потешко да мутира како би избегнал имунолошки надзор и вакцина – еднаш кога ќе успееме да го развиеме. Вирусите се разликуваат на молекуларно ниво, што значи дека лековите и вакцините кои делуваат против вирусот на грип, не можат да делуваат против SARS-CoV-2.
Проф. Штагљар: Најголема разлика е брзината на пренос, оти вирусот на грип има покусо време на инкубација (околу три дена) отколку COVID-19, т.е. коронавирусот (пет-шест дена), што значи дека се пренесува побрзо. Понатаму, децата се многу подложни на инфекции со вирусот на грип, додека податоците за COVID-19 упатуваат на тоа дека децата се помалку подложни. Двата вируса се пренесуваат со контакт и имаат слични симптоми оти предизвикуваат респираторни проблеми. Досегашните истражувања покажале дека во случај на инфекција со COVID-19, проблемите во 80% се благи и асимптоматични, околу 15% од нив се многу опасни (на пациентот му е потребен кислород), а 5% се критични инфекции (потребен е респиратор). Токму процентот на опасни и критични пациенти е поголем отколку кај пациентите заразени со вирусот на грип.
Првите извештаи покажуваат дека морталитетот од COVID-19 е околу 3,4%, додека тој процент за вирусот на грип е околу 0,1%.
Но, сакам да нагласам дека процентот кој СЗО го објави, претставува број на починаѕи межу сите потврдени ззаразени. Тие се сепак подгрупа на најтешки можни пациенти кои имаат најлоша можна прогноза. Колку е вистинската стапка на смртност меѓу сите заразени, тиа се уште не познато, ниту можеме да знаеме, оти ќе треба да се спроведат посебни студии. Но, според се што знаме за епидемиологијата, таа бројка мора да биде од 0,5 до 1%, а можеби и помала.
Проф. Лауч: Вирусите кои предизвикуваат COVID и грип се РНК вируси, што значи дека нивната генетичка информација нема “резерва“ копија и резултира со тоа да многу побрзо се менуваат отколку ДНК вирусите.
Двата вируса имаат мембранска обвивка која содржи голем број гликани, кои им овозможува различни стратегии за влез во клетките и избегнување на имуниот одговор. Како што постојат различни соеви на грип, така постојат и многу различни коронавируси. Се проценува дека околу една третина од обичните настинки се предизвикани од коронавирус, и веројатно помалку-повеќе секој преболел некој коронавирус.
За жал, пред неколку години се појавија многу поопасни соеви кои се спуштаат многу подлабоко во белите дробови и предизвикуваат потешка клиничка слика.
Проф. Бан: COVID-19 и инфлуенца вирусот имаат поинакви карактеристики и имаат сосема поинаков животен круг, се реплицираат на поинаков начин и имаат поинакви карактеристики,што се однесува на заразноста и симптомите кои ги предизвикуваат. COVID-19 предизвикува посилни проблеми со белите дробови и поради тоа е поопасен и почесто за пациентите е потребно болничко лекување.
