„Климатските промени влијаат на дишните органи и ако не ги запреме ќе имаат неповратни последици по нашето здравје“, предупредуваат пет организации, вклучувајќи го и Европско респираторно здружение (ERS) со седиште во Лозана, пред Конгресот во Париз.
„Во време на големи вруќини и зголемена влажност може да се појават симптоми кај астматичарите“, истакнуваат од Здружението, во пресрет на Меѓународниот конгрес на ERS, кој ќе се одржи од 15 до 19 септември во Париз.
Се поголемото загадување на воздухот и зголемување на концентрациите на озон ја намалуваат функцијата на белите дробови и се одговорни за некои штетни последици врз респираторниот систем
Собирот во Париз ќе биде одлична можност да се започне кампањата „Здрави бели дробови за цел живот“, една од најголемите кампањи за здравјето на белите дробови, подигање на свеста за важноста на здравите бели дробови преку широк спектар на настани, проекти и промотивни активности.
Климатските промени може да делуваат и индиректно: „Честите поплави ја зголемуваат стапката на влажност и мувла во затворени простории, што предизвикува астма, алергиски ринитис и респираторни инфекции.“
„Покрај тоа, се поголемото загадување на воздухот и зголемување на концентрациите на озон ја намалуваат функцијата на белите дробови и се одговорни за некои штетни последици врз респираторниот систем“, истакнуваат од Организациите.
Оттаму додаваат дека „доцнењето во носење на одлуките за ограничување на емисиите на стакленички гасови и атмосферски загадувачи, ќе имаат неповратни последици по здравјето на сите граѓани“.
