Делта сојот и натаму се шири низ светот, поради него заболуваат и оние кои се вакцинирани, а голем е бројот и на смртни исходи кај оние кои не се вакцинирани.
Ќе дојде ли наскоро крај на се? Дали болниците повторно ќе бидат полни со сериозни болни пациенти и дали ќе биде полошо од минатата година? Еве што за тоа мислат стручњаците.
ДЕЛТА СОЈОТ ПОБРЗО СЕ ШИРИ И БОЛНИЦИТЕ БИ МОЖЕЛЕ ДА БИДАТ ПОЛНИ
Минатиот месец д-р Ентони Фаучи, советник на американскиот претседател и шеф на Националниот институт за алергии и инфекции изјави дека лицата кои не се вакцинирани се во огромна опасност. Дури и да сте вакцинирани, ризик постои, но симптомите може да бидат поблаги.
Вирусот со кој се бориме е поинаков од оној со кој се боревме пред неколку месеци и со тој факт мора да се помириме, изјави д-р Фаучи.
Тој додава дека се работи за многу поотпорна варијанта која полесно се пренесува, па дури и кај лицата кои се вакцинирани, иако се заштитени од потешки форми на болеста и натаму можат да го пренесат и да се заразар со вирусот.
Д-р Грегори Поланд, директор на Центарот за истражување во Мајо клиниката со неговиот тим се занимавал со прашањето каков е одговорот на вакцината кај возрасните и кај децата. Тој верува дека болниците ќе се полнат со болни пациенти и дека делта варијантата ќе се шири неконтролирано се додека поголем број луѓе не се вакцинираат.
КОЛКУ ВАРИЈАНТИ НА ВИРУСОТ ПОСТОЈАТ И ДОАЃААТ ЛИ НОВИ?
Светската здравствена организација верува дека во моментов циркулираат 17 соеви низ целиот свет, а тука е вклучен и оној новиот за кој можеби не сте слушнале: Му. Поланд и тимот започнаа да собираат податоци за нив и нагласува дека не е важно да се фокусираме на варијантите, туку на потребата да се вакцинираат сите, за да се стави крај на вирусот. „Сегашните вакцини штитат од сериозни болести, смрт и хоспитализација од сите познати варијанти“, додава Поланд.
КОЛКУ Е ОПАСНА ДЕЛТА ВАРИЈАНТАТА?
Како што веќе споменавме,се работи за мутација на вирусот SARS-CoV-2 која се шири многу побрзо и е позаразна и во моментов е доминантна. Експертите веруваат дека се работи за варијанта која е загрижувачка токму поради фактот што е толку агресивна, а досега сигурно е најзаразниот сој на вирусот. Исто така, таа придонесува за побрзо и пошироко ширење на вирусот, особено кај невакцинирани лица.
Ова ги вклучува децата. Марк Липситч, епидемиолог смета дека може да се очекува зголемување на бројот на заразени, сега кога децата се вратија на училиште. „Се укажува на тоа, а особено фактот дека овој вид не ги штеди децата и затоа има зголемување на бројот на заразени во сите возрасни групи“, објаснува тој.
