Никогаш не замрзнувајте веќе еднаш стопен сладолед. Експертите предупредуваат дека поради тоа може да се отруете или да внесете бактерии во организмот кои предизвикуваат опасна инфекција. Амрин Башир, професорка на Катедрата за биомедицински науки на Универзитетот Астон во Велика Британија, вели дека ризикот од труење со храна ве демне онаму каде што најмалку го очекувате – во ладните десерти.
Внимателно и при подготовка на сладолед во домашни услови, кој содржи сурови јајца, за да не добиете салмонела
Доказ за тоа е случај од 2015 година, кога пет луѓе во САД починале по јадење сладолед, кој бил контаминиран со бактеријата листерија и предизвикал листериоза, опасна инфекција која најчесто кај возрасните го зафаќа мозокот и ‘рбетниот мозок. Ретко резултира со срцево затајување, но и тоа се случува. Луѓето најчесто ја внесуваат во телото преку контаминирани млечни производи, суров зеленчук или месо. Оваа бактерија има способност да преживее и да се размножува на температури во фрижидер, пишува „Дејли мејл“.
„L. monocytogenes може да расте на распон од температури пониски од 0°C до 45°C (иако расте поспоро на температура во фрижидер).
Башир предупредува дека оваа бактерија може да се најде во сладолед ако се растопи, па повторно се замрзне, бидејќи неговата стопена текстура е совршена средина за листерија. Таа е многу отпорна на штетни влијанија како што се замрзнување, сушење и топлина…
Професорката Башир повикува на внимателност и при подготовка на сладолед во домашни услови, кој содржи сурови јајца, за да не добијат салмонела.
