Ненадејно ви се стегаат гласните жици, чувствувате нагла контракција на мускулите кои учествуваат во процесот на дишење, срцето го забавува ритамот и почнува икањето! Добре дојдовте меѓу икачите! А зошто токму вие сте повторно на мета на икањето – не постои конкретен одговор, иако е познато дека се јавува уште од раѓањето.
Ултразвучните прегледи покажале дека дури и фетусите од два месеци икаат. Икањето е иницирано од консумација на алкохол, замор, глад или прејадување, нагло преминување од ладна на топла храна, анорексија, проблеми со бубрезите… Без оглед на причината, тоа не е воопшто пријатна работа, па докторите советуваат да го запрете така што ќе го зголемите нивото на јаглероден диоксид во крвотокот.
„Задржете го здивот од 10 до 20 секунди, напијте се една чаша вода без да земете здив, дишете во хартиена кеса 20-30 секунди, трчајте во место или скокајте 30 секунди“, се дел од препораките. Еден од овие трикови мора да успее, бидејќи со задржување на здивот, ќе го спречите телото да ослободува јаглероден диоксид.
