Резултати на ова студија покажале дека екстрактот од брусница ги прави бактериите почувствителни на ниски дози на антибиотик, што нуди надеж во борбата за ограничување на отпорноста на овие важни лекови.
Глобалното ширење на резистенцијата на антибиотици го поткопува деценискиот напредок во борба против бактериските инфекции. Поради преголемата употреба на антибиотици во медицината и земјоделието, во моментов сме на праг на враќање на периодот пред откривањето на антибиотикот во кој помали инфекции повторно може да станат смртоносни. Поради тоа, спречување на намалената ефикасност на антибиотиците со подобрување на ефектот на моментално достапните антибиотици е клучна цел.
Брусницата е многу баран плод поради својот вкус и антиоксиданти што ги содржи, а нова студија објавена во списанието Advanced Science нуди докази дека таа исто така може да помогне во борба против бактериите. Сокот од брусница се препорачува во борба против инфекции на уринарниот систем.
Во ова истражување, бактериите избрани за проучување биле одговорни за инфекции на уринарниот систем, воспаление на белите дробови и гастроентеритис (Proteus mirabilis, Pseudomonas aeruginosa i Escherichia coli).
Анализата покажала дека екстрактот од брусница ја зголемува бактериската чувствителност на антибиотици, делувајќи на два начина. Прво, го прави бактерсикиот клеточен ѕид попропустлив за антибиотикот, и второ, го попречува механизмот кој бактериите го користат за испумпување на антибиотикот. Поради тоа, лекот полесно продира, а бактериите потешко го отстрануваат, што објаснува зошто лекот е ефикасен во пониски дози.
