Европа го подготвува почетокот на вакцинацијата во очекување на раст на инфекциите со коронавирус во зима. Новите т.н. бивалентни вакцини се осмислени за борба против верзијата ВА.1 на омикрон, како и против оригиналниот вирус кој прв пат беше откриен во Кина.
Европската агенција за лекови (ЕМА) соопшти дека ќе препорача одобрување на вакцините за лица постари од 12 години кои примиле најмалку една вакцина против КОВИД-19.
Финалното одоброување го дава Европската комисија и се очекува тоа да го направи многу брзо.
Велика Британија е првата земја што одобри бивалентна вакцина во август, по што многу брзо го направија Швајцарија и Австралија.
Американската агенција за храна и лекови (ФДА) во средата ги одобри овие дополнителни вакцини целно развиени за денес доминантните подваријанти на коронавирусот – омикрон BA.4/BA.5.
ФДА ја одобри вакцината на Модерна за лица над 18 години, а на Фајзер за постари од 12 години.
Американскиот центар за контрола и превенција на болести (ЦДЦ) треба да даде препораки за употреба на редизајнираните вакцини.
Засега во Македонија не се пристигнати овие, нови бивалентни вакцини, но се очекува наскоро, да бидат достапни за имунизација.
Во земјава, уверуваат надлежните има доволна количина на вакцини против КОВИД-19, а пред почетокот на зимата ќе биде достапни и одредени количини на адаптираната/варијантна вакцина (BA.1 и BA. 4/5 вакцина).
