Еднакво како што некоја чашка повеќе во текот на вечерните излегувања може да доведе до последица на мамурлак, емоциите на сличен начин делуваат и на човечката психа. Имено, различни емоции кои биле изразено интензивни може да предизвикаат последици поради кои ќе дојде до промена на погледите на живот.
Научниците во текот на едно истражување ги поделиле луѓето на две групи. На првата и дале прво фотографии со прилично емотивна содржина, па 10 до 30 минути подоцна и неутрална фотографија. На другата група пристапиле обратно: прво им покажале неутрална фотографија, а потоа оние со емотивна содржина. Шест часа подоцна, научниците на двете групи им дале тест на меморија со фотографии кои им биле покажани.
Првата група остварила подобри резултати, од втората. Освен тоа, користејќи магнетна резонанца и мерејќи ја активноста на мозокот дошле до заклучок дека мозокот повеќе ги помни емотивните фотографии.
Емоциите остануваат. Ова истражување покажува како емоциите се врежуваат во нашето битие и како, дури и по подолго време, може да испливаат на површина со еднаков интензитет како и оној момент кога прв пат се појавиле.
Мозокот помни. Се што ни се случило некогаш засекогаш останува впишано во нас. Може да мислиме дека нешто сме заборавиле, но ако тригерот за повторно будење на одредено сеќавање е доволно силен, секунда е потребна да се вратиме на оној момент кога тоа чувство за прв пат се појавило.
