Меган Козиел се подложила на двојна мастектомија во 2015 година кога имала само 26 години и заради тоа не била во можност да ја дои својата ќеркичка која ја родила во септември годинава. Заради оваа имала само една молба до персоналот од болницата во која се породила – да и дозволат над креветот да закачи постер на кој пишува „Зона на недоење“. И им нагласила дека нејзиното бебенце ќе се храни со шишенце.
„Го закачивме постерот за секој случај, за луѓето да не прашуваат зошто не го дојам моето девојче. Јас немам гради и брадавици, па моето тело не е спосовно за доење“, рекла Меган.
На постерот освен „Зона на недоење“ стои дека е свесна оти доењето е важна задача, како и молба луѓето да бидат внимателни пред што било да ја прашаат. Нејзиното чудо од бебе ќе биде хрането со вештачка формула која нема да влијае на нејзината иднина. Во подножјето на постерот стои „оваа мајка е борец“ со алузија на тоа дека преживеала рак на дојка.
Козиел го споделила и своето искуство со бременоста и породувањето со своите 18 илјади следбеници и уредно ги известувала низ што се поминува. Таа по професија е терапевт и решила да ги охрабри сите жени кои преживеале рак да не се откажуваат од тоа да бидат мајки затоа што ниту лекарите не се секогаш потполно сигурни дека тие не можат да забременат, а освен вештачко оплодување секогаш постои и опцијата – посвојување.
