Ендорфинот или хормонот на среќа се всушност специфични супстанци кои ги лачи епифизата за да го подигне прагот на болка, да произведе смирување и чувство на зголемено расположение (еуфорија).
Ендорфините се мошне специфичен невротрансмитер кој му овозможува на телото () да се надмине себеси. Забележано е дека, на пример, се ослободуваат кај интензивни спортски активности, овозможувајќи подобри резултати во подигањето на прагот на болка (со намалување на непријатностите). До лачење на ендорфин, исто така, може да дојде во случај на некоја повреда (несреќа), стрес, болка, болест затоа што овие супстанци овозможуваат непријатните состојби подобро да се надминат.
Заради чувството на пријатност кое го предизвикуваат некои ендорфини се нарекуваат и „природна дрога“, иако тој израз и не е најсоодветен затоа што немаат апсолутно никакви штетни ефекти врз нашето тело, ниту доведуваат до зависност. Ендорфините се сосема природно средство против потиштеноста, депресијата, анксиозноста и болката.
Кога има доволно ендорфин
Високите концентрации на ендорфин во мозокот произведуваат чувство на еуфорија, го зголемуваат чувството на задоволство и ја намалуваат болката – физичката и психичката.
Кога нема доволно ендорфин
- Кога во телото нема доволно ендорфин се јавува чувство на страв (паника);
- Човекот посилно чувствува болка;
- Често се јавува засилен апетит и желба за масна или слатка храна, како на пример, чипс, пржени компирчиња, сирења, кремасти сосови, путер и чоколадо.
Како може да се поттикне производството на ендорфин
Врз основа на досегашните проучувања утврдено е дека одредени материи и постапки поттикнуваат производство на ендорфин во мозокот. Некои од нив се одредени намирници, особено лути пиперчиња и чоколадо, интензивни спортски активности, масажа, акупунктура и акупресура, медитација.
Не е лошо да се биде свесен и за следните работи – Бидејќи организмот поврзува одредени намирници (најтипичен пример е чоколадото) со лачењето ендорфини, тогаш во периодот на стрес или психичка или физичка болка/непријатност, може да се јави, на пример, засилена желба за чоколадо, која всушност е потреба да се зголеми лачењето на ендорфини.
