КОВИД-19 од респираторна болеста стана системска, не ги напаѓа само белите дробови, туку и срцето, бубрезите и црниот дроб. Иако за вирусот постојано учиме, она што е познато е дека најзагрозени се хроничните болни. Дека е дојдено до мутација, докази нема, но според искуствата на лекарите, вирусот сега е поинаков.
Проф. д-р Радмило Јанковиќ, директор на Клиниката за анстезија и интензивна терапија во Ниш, објаснува дека болеста е посериозна во однос на првите сознанија кои ги имаат лекарите.
“Генерално сега имаме посериозни клинички случаи. Она кое го забележуваме во одделите за интензивна нега и тоа со кое ние анестезиолозите се соочуваме се клинички слики кои брзо се влошуваат од минута во минута“, објаснува д-р Јанковиќ.
Како што објаснува докторот, сомнежот дека сега се јавува зачестеност на тромбови и во централниот нервен систем, но и во бубрезите во целост е оправдан.
“По стекнатото клиничко искуство кое го имаме, укажува дека ова е далеку од банална респираторна инфекција, дури и од оние најсериозните кои сме ги имале кај инфекцијата со свински грип“, додава анестезиологот.
Проф. д-р Горан Станојевиќ, помошник генерален директор на Клиничкиот центар во Ниш и координатор на една од КОВИД болниците кои во април се соочила со голем удар кога во еден ден примила 150 најризични пациенти, објаснува дека за новиот коронавирус се уште учиме.
“Во некое досегашно искуство, колку и да третираме пациенти со коронавирус, како се помлаку да знаеме за него. Се она што беше карактеристично во првиот пик, првиот бран, сега е малку изменето. Имаме повеќе млади лица кои се заболени со потешка клиничка слика, а тоа претходно не беше случај. Претходно имавме повозрасна популација која беше на удар, но во вториот пик, млади луѓе, но и деца почесто заболуваат“, потенцира проф. Станојевиќ.
