Проблемот кој во последно време зафаќа се поголем број мажи е еректилната дисфункција, односно импотенцијата т.е. неможноста или потешкотиите при сексуални односи. Еректилната дисфункција најчесто ги погодува постарите лица, но не е реткост ни тоа се поголем број помлади мажи да се сретнат со овој проблем. Според истражување од минатата година, речиси половина од мажите во светот во 30-те години се соочиле со послаба потенција или тотална импотенција. Во Велика Британија секој петти маж има здравствен проблем од овој вид, пренесува Дејли стар. Многу мажи го запоставуваат овој проблем заради суета или срам, но лекарите тврдат дека импотенцијата е се поизразена и дека нема потреба од срам, туку треба да му објаснат на својот уролог што ги мачи.
Кои се симптомите на еректилна дисфункција?
Доколку ви се случуваат следните три проблеми, потребно е итно да појдете на лекар:
– Проблем со постигнување ерекција;
– Губиток на ерекција за време на сексуален однос;
– Намалено ви е либидото.
Што предизвикува еректилна дифункција?
Проблемите со еректилна дисфункција можат да бидат од физичка или психолошка природа.
Во првата група спаѓаат следните проблеми:
– Висок крвен притисок и холестерол;
– Одделни лекови кои ги земате;
– Дијабетес;
– Пушење;
– Повреди;
– Дебелина;
– Проблеми со срцето;
– Пореметувања на сонот;
– Мултипла склероза;
– Паркинсонова болест.
Кај помладите мажи главно, проблемот со еректилна дисфункција настанува заради психолошки фактори:
– Анксиозност;
– Депресија;
– Стрес;
– Љубовни проблеми;
– Порнографија.
Лекарите велат дека проблемот на еректилна дисфункција најчесто е психолошки проблем и како резултат на лошите искуства или стравот на мажот да не „се обрука“ во кревет. Во секој случај напоменуваат дека доколку припадниците на посилниот пол чувствуваат дека имаат проблем со потенцијата, потребно е да побараат лекарска помош заради воспоставување дијагноза и соодветна терапија.
