Есента е убава на свој начин, но ретко можеме да уживаме во неа поради разни вируси, настинки или малаксалост. За да не се појават вакви проблеми, лекарите советуваат повремено да се направи детокс пауза од разни намирници кои секојдневно ги консумираме,а кои можат да го забават имуниот систем.
Три дена без кафе
Звучи како научна фантастика, но обидете се да го замените кафето со чај, барем на три дена. Чајот може да се пие во големи количини, доколку се избере правилниот, бидејќи тој претставува бања за бубрезите и тоа сигурно ќе помогне во детокс процесот.
Јогурт за добри бактерии
Сите знаеме колку е јогуртот здрав, па еве еден рецепт за детоксикација на база на јогурт. Состојки: една шолја јогурт, 1 исецкана банана, една шолја листови кељ, една лажица мед. Ова смути е одлично за почеток на денот, ќе ве засити, ќе ви даде енергија и ќе го поттикне метаболизмот.
Вода, чај и топла лимонада
Суштината на детоксот е да го опушти телото, а со него и мислите. Значи, не мора да биде премногу строг, затоа што тоа ќе доведе до стрес. Препорака е дневно да пиете најмалку два литра вода, а таа количина може да ја намалите ако пиете чај. Секој ден започнете го со чаша млака вода во која сте исцедиле сок од еден лимон.
Одете во сауна
Во летниот период тоа е невозможна мисија, но сега е вистинско време да отидете во сауна. Еден час, каде што преку пот ќе ги исфрлите сите токсини, на многу едноставен начин – седејќи. Совет плус е да ги споите сауната и базенот, топла сауна па ладна вода во базен ќе ја поттикнат циркулацијата, која е многу важна за во зима, а со тоа и кожата ќе ви засјае. Ова е одличен лек и за проширени вени.
Раздвижете се!
Не мора да одите во теретана или да трчате додека не ве заболи главата, бидејќи кога си наметнуваме тежок физички напор, брзо се заморуваме и се откажуваме. Доволно е за почеток на прошетате барем половина час дневно и добро да се размрдате со неколку лесни вежби наутро.
