Пред нас се есенски денови и се пониски температури, во кои е многу важно да се заштитиме и да го зајакнеме имунолошкиот систем, со што ќе ги совладаме различните настинки и вирози. Се разбира, најдобар начин да се направи сето ова е храната. Еве што треба да вклучите во секојдневното мени со цел да поминете здрави низ сезоната на вируси.
Лук – Освен што им дава посебен вкус на вашите јадења, лукот содржи алицин, кој, кога ќе почне да се разградува, создава антиоксиданти. Тие ќе го заштитат вашиот имунолошки систем преку спречување на оштетување на вашите клетки.
Јогурт – Јогуртот содржи различни култури кои се алтернатива на пробиотиците и се грижат за вашиот дигестивен систем. Ова е важно со цел да се преработи целата храна која ја консумирате.
Чај – Многу здравствени придобивки се поврзани со пиењето чај. Чајот содржи многу важни антиоксиданти кои помагаат во зајакнувањето на имунолошкиот систем.
Темно чоколадо – Антиоксидантите во темното чоколадо можат да му обезбедат дополнителна заштита на вашиот имунолошки систем. Чоколадите кои содржат поголем процент на какао се подобар избор, бидејќи содржат и повеќе антиоксиданти, како и помалку шеќер.
ВОДА – Никако не заборавајте да внесувате доволно течности: водата е многу важно оружје во борбата против болестите.
Пиперки – Малку е познат фактот дека црвените пиперки содржат дури два пати повеќе витамин Ц од агрумите. Затоа, сигурно е подобра идеја да престанете да земате витамински додатоци и наместо тоа почесто да консумирате пиперки.
Јаткасти плодови – Јаткастите плодови содржат многу голема количина на витамин Е, кој дејствува како антиоксидант и има антивоспалителни својства, додека во исто време го зајакнува имунолошкиот систем.
Риба – Лососот е добро познат извор на омега-3 масни киселини, кои, секако, се добредојдени во што поголема количина во вашата исхрана. Не само што го намалуваат ризикот од срцеви заболувања и други хронични болести, исто така, ги ублажуваат и воспалителните реакции и му помагаат на имунолошкиот систем.
