По долгиот период на високи летни горештини, есента веќе носи намалување на температурите и вообичаено за овој период од годината карактеристилни се големи температурни разлики помеѓу дневните и ноќните вредности, што е „идеален“ период за борба со разни инфекции и воспаленија.
Еве кои здравствени проблеми ни се закануваат во есена, која само што не стигнала.
Проблеми со органите за дишење
Природната отпорност на организмот во чекор со ниските температури е значително намалена, а со тоа се зголемува склоноста кон акутни инфекции на горните респираторни органи од составот. За поголема зачестеност на заболувања придонесува и подолгиот престој со поголем број луѓе во затворени простории, кои се недоволно проветрени со сув и топол воздух, како што се градинките, училиштата, работните канцеларии… За среќа, поголемиот број инфекции на горниот систем за дишење се благи и не бараат сериозно и долготрајно лекување.
Грип и настинка
Есенските месеци со малку сончеви часови, а многу дожд и магла се погодни за развој на настинки и вирози, па иако лекарите како најдобра форма на превенција ја препорачуваат вакцината, сепак има и друга превенција. Излегувајте на свеж воздух, за да ги избегнете бактериите кои се наоѓаат во затворените простории. Мијте ги рацете и користете антибактериски сапун. Внесувајте витамини, ососбено А, Ц и Е, кои се сојузници на имунитетот.
Чир на желудник
Верувале или не, желудочните проблеми може да бидат поврзани со временските промени. По спроведена студија во која учествувале 26 000 болни, научниците дошле до заклучок дека тие најчесто на лекар се јавуваат токму во есен.
Болни зглобови
Иако, не е докажано, многумина токму во есен се жалат на болки во зглобовите, а се претпоставува дека тоа се случува поради промена на атмосферскиот притисок, па така наглиот пад на температурите може да предизвика болни зглобови.
