Лајмската болест е предизвикана од бактеријата Borrelia burgdorferi – најчестиот вектор на болеста во САД со околу 300 000 случаи годишно. Додека поголемиот дел од пациентите заболени од оваа болест успешно се излекуваат со стандарднaтa 2 до 4-неделна антибиотска монотерапија со доксицилин или амоксицилин или цефуроксим, околу 36 отсто од пациентите продолжуваат да патат од упорните симптоми на умор, зглобна или мускулоскелетна болка и невропсихијатриски проблеми дури и шест месеци по земањето на стандардната антибиотска терапија. Овие пациенти патат од се уште недоволно објаснетата состојба наречена синдром на ’пост-третман на Лајмската болест’. Истражувачкиот тим под водство на професорот Јинг Жанг од Hopkins Bloomberg School of Public Health претходно идентификувал неколку есенцијални масла – масла од растенија или нивните плодови кои ја содржат главната арома на растението или есенцијата – со одлично дејство против латентната и споро растечка форма на Borrelia burgdorferi. Во новата студија, објавена во магазинот Antibiotics, испитувале други 35 еценцијални масла и нашле 10 нови високо активни масла (од лук, лут зачин, кумин, лимонова трева, мирислива смола, хедихиум, мајчина душица…).
Причината за синдромот пост-третман на Лајмската болест не е позната, но познато е дека културите на Borrelia burgdorferi можат да влезат во таканаречената стационарна фаза во која многу од клетките се делат бавно или воопшто не. Бавно делечките или латентни клетки се ’перзистер’ клетки кои можат да се формираат природно како резултат на глад или услови на стрес и се мошне отпорни на антибиотици.
Некои истражувачи се обиделе со други лекови или лековити соединенија кои можат да ја убијат Borrelia burgdorferi, со надеж дека овие соединенија можат да се користат во третманот на луѓе со перзистентни Лајм симптоми.
Во студија од 2017 година, професорот Жанг и коавторите откриле дека есенцијалните масла од оригано, цимет, каранфилче, цитрон, гаултерија ја убиваат стационарната фаза на Borrelia burgdorferi дури и многу попотентно од даптомицинот, шампионот меѓу тестираните лекови.
Во новата студија тие ги прошириле своите лабораториски тестирања за да вклучат 35 нови есенцијални масла и нашле 10 кои покажале неверојатна убистивена активност против стационарната фала за Лајм бактериските култури во концентрација од само еден дел промили. Оваа концентрација, пет од овие масла – деривирани од пулпите на лукот, плодовите на лутиот зачин, цветовите на хидафеимот, мирисливата смола и Litsea cubeba овошките – успешно ги убиваат сите фази на Borrelia burgdorferi во садовите за култури, па бактеријата не расте повторно за 21 ден. Маслата од листовите од мајчина душичка, кумин и билката рутоидеа, исто така, даваат одлични резултати, исто како и цинамалдехидот, основната состојка на мирисот на масло од цимет.
„Откривме дека овие есенцијални масла дури и подобро ги убиваат упорните форми на Borrelia burgdorferi отколку стандардните антибиотици“, вели професорот Жанг.
Лабораториските тестови како овие покажуваат рана фаза од истражувањата, но тимот се надева дека во блиска идина ќе проодолжи со тестови на животни, вклучително и тестови на глувци. Ако овие тестови се одвиваат како што треба и ефикасните дози делуваат безбедно научлниците очекуваат организирање на тестирања и кај луѓето.
„Во оваа фаза овие есенцијални масла делуваат многу ветувачки и како добар кандидат во третманите против перзистентната Лајмска инфекција, но всушност потребни ни се соодветно дизајнирани клинички тестирања“, појаснува професорот Жанг.
