Без разлика дали станува збор за грчеви во дното на стомакот, нагли промени на расположението, неконтролирана потреба за слатки или мачни главоболки, ПМС е дефинитивно најомразениот период во месецот на секоја жена. Сепак, се чини, дека сите овие симптоми не би им паднале толку тешко на жените само кога би престанала да боли главата.
Многу жени патат од силни мигренозни напади за време на ПМС, кои најчесто се предизвикани со промена на хормоните во организмот, и овие неподносливи главоболки обично исчезнуваат на вториот или третиот ден од циклусот. Најчест причинител за овој вид главоболка е наглиот пад на количеството на естроген во крвта, непосредно пред почетокот на циклусот. Кога нивото на естроген опаѓа се менува прагот на толеранција на болка и жените стануваат почувствителни. Освен тоа и падот на естроген влијае на стеснувањето на крвните садови, што е уште една причина за силни мигрени за време на предменструалниот период.
На овие главоболки обично им претходат симптоми како недостаток на сон и дехидратација на организмот. Ако сте личност склона на мигрени, лекарите тврдат дека имате 60 % шанси да патите и од предменструални мигренозни напади. Овие главоболки имаат распон на болката од благо до неиздржливо, и обично зафаќаат една половина од главата, од каде после тоа се шират на целата глава. Ако вашата мигрена кулминира, може да биде придружена со болка во желудникот и силни мачнини.
Лекарите велат дека ако сте склони на мигрени не постои начин во целост да ги избегнете, но ако тие се врзани за вашиот менструален циклус, можете да ги предвидите и да се подготвите. Најдобра превенција е квалитетниот и здрав сон, здравата исхрана богата со витамини и минерали и добрата хидратација на организмот, што значи дека дневно мора да внесувате барем 2 литри вода во организмот за да се окрепите.
Ако овие превентивни мерки не ја отстранат болката би требало барем да ја ублажат, но ако и тоа не помага и вашите мигрени стануваат се поболни, не одбегнувајте да се напиете лек против болки затоа што кулминацијата на мигрената може да доведе до мачнина и потполна дехидратација на органимот.
